Fíknó ! Ert þú góðkunningi ?

Monday, June 19, 2006
1:18 AM aaaaa

you make my life perfect- whatever !!!

Wednesday, October 12, 2005
7:38 PM Takk fyrir klukkuna Sigrún !

Var klukkuð og þarf víst að uppljóstra 5 hlutum um sjálfa mig...

1# tja..Ég er kvikmyndastjarna í dulargervi þar sem ég lék í sjónvarpsmyndinni (og stórmyndinni) LAGGÓ árið 1995 í leikstjórn Jóns Tryggvasonar. Ég var ekki eina stjórstjarnan í myndinni heldur skartaði hún einnig vel þekktum Íslendingum á borð við Helgu Brögu (í hlutverki móður minnar) og Helga Björnssyni (í hlutverki trillukarls sem réri með "föður" mínum.

2# Ég hef æft íþróttir ! Meiraðsegja sparkað í bolta. 6 ára gömul fór ég á fótboltanámskeið hjá KR (bjó þá í Vesturbænum). Æfði Tennis ca' 10 ára og hætti þegar ég átti að mæta á æfingar 5 sinnum í viku - full oft og líka langt að fara fyrir 10 ára. Svo ætlaði ég alltaf (þegar ég var svona 7-9 ára)að æfa körfu en þá var ekki til kvennaflokkur í Fjölni og ekki vildi ég æfa með strákunum...

3# Ég á systur. Ég á meirað segja systur sem heitir það sama og ég. Helga.

4# Ég hef einu sinni hlotið beinbrot. Þegar ég var 6 ára höfuðkúpubrotnaði ég. Eða öllu heldur var ég höfuðkúpubrotin. Stóri BÉ, þá 8 ára, gerði sér lítið fyrir og höfuðkúpubraut mig. Læknirinn sagði að ef ég yrði í kringum mikil læti hefði ég getað orðið þroskaheft (í versta falli), en ég slapp vel :)

5# Hef spilað á hljóðfæri. Lærði á píanó í hálft ár en skipti síða yfir í Celló og lærði á það í 3 ár. Fyrir þá sem ekki vita er Celló knéfiðla = stór fiðla sem maður situr með og spilar á með boga !

Þá vitið þið það ! Ég klukka "The Brownies" !

you make my life perfect- whatever !!!

Tuesday, September 06, 2005
10:00 PM Good Old Times

Vegna fjölda áskoranna ákvað ég að skella annarri færslu hérna inn....en örugglega allir hættir að lesa síðuna mína núna þar sem hún hefur verið óvirk kannski full-lengi.
Þegar ég ætlaði að fara að blogga núna rakst ég gamalt "draft" sem ég kláraði aldrei og þ.a.l. birti aldrei...En hér kemur etta...Enjoy

08.júlí 2005
Keyrði moped í fyrsta skipti um daginn. Eða skellinöðru einsog það heitir víst á móðumálinu. Það var svaka fjör. Halla á það og við þurftum að sækja það eitthvert lengst í burt. Svo ég keyrði það til baka sem var bara stemmari, fór alveg uppí 70 km sko. hehe. Svo var ég með hjálm með engu gleri, þetta var svona meira einsog reyðhjálmur eða eitthvað, hann er sko venjulega ekki með gleri.
Þið vitið þegar maður er að keyra bíl, og flugurnar klessast alltaf á framrúðuna og stuðarann ? - ÉG VAR FRAMRÚÐAN, þannig að ég fékk nokkrum sinnum svona klessu framan í mig. Og svo punkturinn yfir I-ið : Það byrjaði að Rigna. Og það er skal ég segja ykkur ekkert rosalega létt að sjá út í grenjandi rigningu, þar sem ég hef engar rúðuþurkur á augunum. OG ÉG bara í þunnum íþróttabuxum og þunnri hettupeysu. Var alveg gegnsósa þegar við komum í hús. Nærfötin og allt blautt sko. En þetta var mjög gaman. Reynda getur verið stórhættulegt að vera á svona hjólum í rigningu víst, skilst mér, þannig að ég þurfti að passa mig soldið í beygjum og svona. Svo þegar það rignir fyllist allt af froskum. Stórir og litlir, rosalega sætir. Svo maður þarf að passa sig líka að keyra ekki yfir þá. Ætla að reyna bráðum að farað drita myndum á netið. Það tekur bara svo mikinn tíma og ég hef ekkert alltof mikið af honum.

you make my life perfect- whatever !!!

Tuesday, August 02, 2005
6:01 PM

Å nei! Deg igjen...
Indianarane kjem!
Jeg bor alene...
oss.to@kino
Og du vil?
Hils alle kjente!
Jeg tar et hint
Inkassovarsel
Gaffel i øyet...

Þetta eru skilaboð sem maður fær í kóktöppum á glerflöskukóki. I dag fékk ég "Inkassovarsel" í kóktappanum mínum - sem á eiginlega vel við því ég á eftir að borga húsaleigu-gíróinn. Ég eiginlega týndi honum og er að spá í að borga hann bara þegar ég fæ útborgað núna 13 ágúst, mánuði of seint (betalingsfrist 18.06.05)
En ég allavega fíla þessa kóktappa, þeir eru alltaf við hæfi, vaknaði einu sinni að deyja út þynnku og í kóktappanum stóð "Gaffel i øyet...".
Ég átti afmæli síðasta fimmtudag, 28.júlí. Hafði sofið heima hjá frænsku um nóttina og vaknaði við að hún kom heim með Diam súkkulaðihrísköku sem er GEÐVEIKT GÓÐ. Heitir "Almondy Mandelkake med DAIM®" mmmmm. Er hún seld heima? Annars tek ég nokkrar með heim sko.
Ekki búnað vera mikið með Nordjobburunum i det siste, bara vinna, lesa og sofa. En Ætlum að hittast á fimmtudaginn að spila Volleyball við Sognsvann, sem er vatn hérna rétt hjá.
Hérer kort af þar sem ég á heima. Svona nærsta nágrenninu. Íbúðin mín er þar sem teiknibólan er. Þar bý ég í 4.herbergja íbúð með tveim strákum, Ole og Svein. Svo er stelpa sem á fjórða herbergið en hún er að vinna út á landi í sumar svo ég kem ekki til með að hitt hana neitt.
Risa stóra húsið við Kaj Munks vei er Ullevål stadion. Það er fótboltaleikvangur, opið að ofan. Geðveikt stórt. Þar eru fara flestir landsleikir Norska landsliðsins fram og oft stórir Tónleikar. R.E.M. voru t.d. um daginn (eiginlega fyrir svona mánuði). Vegurinn sem er þvert yfir kortið (byrjar uppi, endar niðri) fer alveg niður til Oslo Sentrum, það er soldill spölur en allt niðurímóti. Annars tek ég yfirleitt T-banen (neðanjarðarlesti), hann stoppar við Ullevål stadion. Í gærkvöldi var rafmagnslaust í Oslo og það þýðir að T-baninn, sporvagnarnir og lestirnar ganga ekki. Ég hélt það væri bara heima, hélt Svein hefði slegið eitthverju út - en svo var þetta eitthvað mjög stórt strømbrudd í rafstöðinni hérna rétt hjá. 19:30-20:16 var allt rafmagnslaust á mjög stóru svæði í Osló. Það er engin gluggi á baðinu þannig að ég þurfti að sturta mig í myrkrinu. En T-baninn gekk ekki eðlilega restina af kvöldinu. Bara einstaka vagnar og þeir sem fóru keyrðu MJÖÖÖÖG hægt og stoppuðu oft inní göngum og svona. Þ.a.l. var ég 75 min. of sein í vinnuna. Tók mig 2 tíma að komast þangað.
Þegar T-banavagninn stoppaði inní göngum tók maður eftir að margir urðu órólegir. Nýbúið að bomba T-banann í London og ekkert allir sem vissu hvað hafði gerst.

En vinnan mín. Er kannski ekkert búnað segja frá henni? En ekkert mikið að segja heldur. Þetta er svona stöð einsog þegar maður keyrir uppúr Hvalfjarðargöngunum.Kallaðar "Bomstasjoner" Ef ég er á rólegri stöð reyni ég að nota tímann til að læra. Bomstasjoner eru allan hringinn í kringum Osló og allir sem keyra inní Osló þurfa að borga. HÉR er Osló kort sem sýnir allar bomstasjoner í Osló sem eru 18 talsins. Ég bý svona mitt á milli nr.7 og Tåsen (sjá kort).

En klukkan er orðin kortér yfir 9, svo ég þarf að drífa mig þarf að taka T-banann í vinnuna, á næturvakt í nótt...

Ætla kannski bráðum að tékka á að setja inn myndir...

Bæ !

you make my life perfect- whatever !!!

Monday, July 11, 2005
4:26 PM Osama Bin Laden og sólskinsveður !

Það er búið að vera fáránlegur hiti hérna. Í fyrradag voru eitthver 37 stig. Í morgun, um 11 leytið voru 28 stig og síðan þá hefur hitnað mikið (kl. er 4 núna) - Þetta er svakalegt maður. Á morgun ætla ég sko að taka daginn snemma, skella mér útí eyju og sóla mig þar og baða í sjónum, já eða fara bara á strönd. Er ekki að vinna fyrr en á föstudaginn svo ég hef smá tíma. Þarf reyndar að læra GEGGJAÐ mikið þannig að ég í raunninni hef engan tíma. Er tíminn ekki afstæður ?

Rottweilerinn minn, Mus, er farinn aftur heim til sín í bili, en ég fæ hana aftur bráðum :D - Frekar tómlegt hérna án hennar. Hún er alveg fyndin. Svo þegar hún sefur fær hún stundum martraðir, hehe já hunda dreymir líka illa, og þá kemur eitthvað svona mjög hræðslulegt ýlfur frá henni, en hún er samt sofandi. Svo ef maður strýkur henni rólega þegar hún er með martröð þá hættir hún að ýlfra. Hehehe awwww. Hún er soldið athyglissjuk og finnst sérstaklega gaman að standa útá miðri götu. Alveg búnað fatta það að þá fær hún fulla athygli. Ég að kalla á hana að fara af götunni, Bílarnir stoppa fyrir henni og allir horfa á hana - svo loksins þegar hún ákveður að fara af veginum þá svona lallar hún alveg LÖÖÖTUHÆGT yfir veginn með svona svip "ha varstu að segja eitthvað ?"

Í T-bananum áðan alltíeinu mundi ég eftir hryðjuverkaárásunum í London...hmmmm... og fór að pæla aðeins í þessu sko. Það var á forsíðum blaðanna hérna í gær held ég að Osló væri búið að gera ráðstafanir ef til hryðjuverka kæmi og um daginn var eitthver æfing, ekki "brunavarnaæfing" heldur "hryðjuverka-varnaæfing" í T-bananum. Og ég fór að spá ? Hvaða öryggi eru þeir eiginlega að tala um ? Á lestarstöðvunum hérna eru max nokkrir securitas verðir sem rölta í hringi. ekkert mál að fara uppí lest með sprengju á sér og sprengja hana eitthversstaðar á leiðinni. (þ.e.a.s. ef maður ætti sprengju) - Securitas verðirnir eru bara á stærstu stöðvunum, og þeir eru ekki sprengjusérfræðingar og eru ekki að leita að sprengjum á fólki, þeir eru bara til staðar ef eitthver dópisti er með vesen eða eitthvað. Og svo er líka alveg hægt að fara í lestina eitthversstaðar á lítilli stöð og sprengja svo sprengjuna þegar lestin er komin niðrí bæ.
Segjum sem svo að Osama Bin Laden vilji ráðast á Osló, hverjar eru líkurnar á að hann geri nákvæmlega það sama og í London. Sko ef við við berum saman 11.september og hryðjuverkin í London ? ekki mikið líkt nema þetta er bæði samgöngutæki. Osama gerði flugárás og allir misstu sig í að herða flugöryggi...og bombaði svo núna lestir og strætó - Nú eru auðvitað öll lönd að herða öryggi á T-bananum (árangurslaust ef marka má stöðuna hér) en ég STÓRefast um að hann Binni fari að sprengja upp T-banann í öðru landi á næstunni. Hann vill jú hitta beint í mark, þar sem þjóðinn finnur mest fyrir því og þar sem hún á SÍST VONA Á ÞVÍ.

HEY ég er komin með smá lit á hendurnar...múhahaa...en ég ætla að farað læra og á morgun verður það bara stutt pils og bikinitoppur.
Skrifaðu komment druslan þín !
:D

you make my life perfect- whatever !!!

Friday, July 08, 2005
1:10 PM Osló-Moss-Halden

Þegar ég var í Halden síðast (þrið-föst.) gleymdi ég hleðslutækinu fyrir tölvuna mína, svo ég hef ekki getað verið á netinu og ekki getað sent verkefni eða neitt.
Fór svo aftur til Halden á þriðjudag til að sækja dótið mitt.

Hitti um daginn mann með mestu áráttuhegðun sem ég hef heyrt um...Hann þarf ALLTAF að vera að þvo sér um hendurnar og koma helst ekki við neitt. Ef hann kemur við eitthvað þarf hann að sjálfsögðu að þvo sér um hendurnar. Og það er enginn smá handaþvottur. Hann notar Ajax og allan pakkann og það verður sko ALLT blautt í kringum hann. Hann ferðast með Ajax með sér, hvert sem er ... Á HJÓLI. Þegar hann er í fangelsi fær hann líka sér meðferð. Fangaverðirnir koma aldrei inní klefann hans - því hann er svo hræddur við sýkla og heldur að það komi sýklar með fangavörðunum. Og ef fangavörður fer inn til hans þá BRJÁLAST hann, missir það alveg, og hann er enginn písl sko. (hjá venjulegum fanga kemur fangavörður inn minnst einu sinni á dag) Svo fá fangar alltaf kortér í sturtu en hann fær heilan klukkutíma.
Þetta er kunningi hennar Höllu frænku - hún á fullt af furðulegum kunningjum. Segi kannski frá fleirum seinna.

Þegar ég fór til Halden núna á þriðjudaginn fekk ég far með Höllu frænku til Moss (sem er mitt á milli Oslo og Halden) og tók lestina þaðan til Halden. OG eins á bakaleiðinni. Þá tók ég bara lestina frá Halden til Moss og fékk far með Höllu rest. Fékk lánaðan geggjað flottan Rottweiler hund með mér til Halden. Mjög gaman. Og svo þegar ég var komin aftur til Moss með lestinni og var að bíða eftir Höllu bað hún okkur að labba á móti sér uppað bensínstöðinni...Þegar við (ég og hundurinn sem heitir Mús) vorum að labba byrjaði auðvitað að rigna - í eina skiptið síðan ég kom til Noregs og þá vildi auðvitað svo vel til að ég var í hvítum hlýrabol og svörtum brjóstarhaldara....

Nóg af þvaðri, ég ætla að farað sækja Mus (hundinn) og fara niðrí bæ og gera við neglurnar mínar.

Ha de'

you make my life perfect- whatever !!!

Tuesday, June 28, 2005
12:02 PM Noregur er ágætur

Lenti reyndar í smá vesen með að komast í net af því að noregur er svona 10 árum á eftir hvað tækni varðar. Þráðlaust net er mjög sjaldgæft hérna, en mér skilst samt að það sé komið í flesta framhaldsskóla. En ekki stúdentagarða eða kaffihús eða neitt. Heima getur maður farið á venjulegt kaffihús með tölvuna sína og verið á netinu og í Amsterdam er þráðlaust net á McDonalds...það er ekki til hér. Netkaffihús eru stór herbergi með fullt af tölvum (gömlum borðtölvum) og stundum hægt að kaupa kaffi þar...
Flókinn minn flaug út í rok um daginn og týndist... en stelpa sem fann hann og hann var komin heim sólarhring seinna-sem betur fer. Hann saknar mín helling og alltaf þegar mamma opnar hurðina inní herbergi þá er hann kominn þangað að leita að mér. En nóg um hann.
Það er búið að vera ágætt hér. Ég er nýkomin með netið svo ég þarf að vera dugleg að læra.
Er núna í Halden í heimsókn hjá Jón Fannari frænda. Við skruppum til Svþjóðar í fyrradag og keyptum okkur kebab-pizzu í Strömstad, sem er besta pizza í heimi. Svo stoppuðum við í Svínasundi (sem er líka í svíþjóð) og keyptum í matinn og soldið nammi. Nammi í Svíþjóð er fáránlega ódýrt.
Svo er maður búnað vera sötra bjór eða rauðvín eða bæði eiginlega öll kvöld hérna í Halden. Já og svo er Jón Fannar lærður kokkur og ætlar að bjóða mér í mat áður en ég fer heim og elda eitthvað gott fyrir mig.
Jón Fannar á nokkra gullmola, einsog þegar hann ætlaði að segja á ensku "Ég er kokkur" sagði hann "I'm a KOKK". Og svo annað skipti þá var hann að tala við eitthvern strák
Strákur: Ætliði að grilla í kvöld ?
Jón Fannar: Nei ég þarf að vinna á morgun.
hehehehe. Jón Fannar var ekkert að grínast, var ekki alveg að sjá muninn á fylleríi og grilli.
Æ það er alveg hellingur sem ég gæti sagt frá, Höllu frænku og Tryggva bróa og fleiru, Íslendingunum tveim sem eru hér og hinum nordjobburunum sem eru eiginlega öll frá Svíþjóð, reykingarbanninu á skemmtistöðum og fleiru en ég ætla að láta þetta gott heita í bili.

Kv. Diljá

you make my life perfect- whatever !!!